Pro 29 | ZomZIV | STEP | Tamveipi taihilh khita lungkhauh teiteite thakhatin kisia ding uh a

iPn 31:89

j Pn 11:11

k Job 15:13

l Job 34:30

Proverbs 29

1 Tamveipi taihilh khita lungkhauh teiteite ^a
thakhatin kisia ding uh a - a kibawl thei nawn kei ding uh hi. ^b
2 Mi thumaante a khantoh ciangin mite nuam uh a, ^c
migilote’n a uk ciangin mite tau uh hi. ^d
3 Pilna a it mi in a pa lungdamsak a,
numei kizuakte tawh a kikhawlte ahileh a neihsa a mawkzat bei ahi hi. ^e
4 Kumpipa in thutang tawh a gam kipsak a, ^f
golhsum-a huaihampa ahileh a khenkham ahi hi.
5 A vengte a maitang phatte
a khe awk nading lenthang kam ahi hi. ^g
6 Migilopa a mawhna mah ah awk a, ^h
a thumaanpa ahileh nuamin la a sa thei hi.
7 Mi thumaan in mizawngte tungah thutang a bawl ding khual a,
migilo in tua bang deihsakna a nei kei hi. ⁱ
8 Mi simmawhte in khuapi sosak a,
mipilte in ahileh hehna a vengsak hi. ^j
9 Mihai khat le mipil khat zum ah
a kikhiat leh mihaipa hehin selpho a, kilem thei lo uh hi.
10 Sisan suah nuamte in mi citakte mudah a,
a thutangte thah a sawm uh hi.
11 Mihai in a hehna teng pulak khin a, ^k
mipil in ahileh amah le amah ki-ip zo hi.
12 Gam-ukpa in zuauthu a ngaih leh
a ulian teng migilo suak khin hi. ^l
13 Mizawngpa le minuainetpa in a kibangin a neih tuak uh hih ahi hi:
TOPA in mit khuamuhna pia tuak hi. ^m
14 Kumpipa in mizawngte thu kilawm-kituakin a khensak leh
a tokhom kip tawntung ding hi. ⁿ
15 Bawlphatna ciangduai in pilsak a,
ama thu-a gamta naupang in a nu mindaisak hi.
16 Migilo khangto semsem leh mawhna tam semsem a,
thumaan mi in ahileh amaute pukna mu ding hi. ^o
17 Na tapa sek lecin hong lungnuamsak dinga,
na hinna taiisak ding hi.
18 Kilaakna om lohna ah mite phengtat uh a,
thukham zuipa ahileh thupha ngah ahi hi. ^p
19 Kama gen bekin nasem khat kibawlpha thei lo a;
a theitel zongin zui tuan lo ding hi.
20 A pheng paupau mi na mu ngei hiam?
Ama ading sangin mihai khat adingin lametna om zaw hi. ^q
21 Mi khat in a inntengpa a neu tungin a hawmthawh bawl leh
a tawpna ah dahna ^{▼▼29.21 Hebrew ah hih kammal a khiatna kicianlo hi.} a tun ding hi.
22 Mi heh khat in kitotna sosak a,
a lungsopa in mawhna tampi a bawl hi.
23 Mi khat a kiphatsakna in niamkhiat a, ^s
a lungsim kiniamkhiat mi ahileh pahtawina a ngah hi. ^t
24 Guta a pawlpihpa, a galpa hi pah a;
amah kiciam ahi manin bangmah a genkhia ngam kei hi. ^u
25 Mihing kihtakna thang kikamsa suak dinga,
TOPA a muang peuhmah kihumbit ding hi. ^v
26 Mi tampi in gam-ukpa maipha zong uh a, ^w
ahi hangin TOPA tung pan bekin mihing in thutang ngah hi. ^x
27 Mi thumaante in zuauthu kih a,
migilote in mi thutang kih hi.